അകവാതില് തുറന്നിടാനെന്തേ താമസം ?
പുകമറ തെളിയുന്നു, അകമേ ശാന്തം -
ഇടതടവില്ലാതെ ചൊല്ലുന്നു നാമ ജപം പോലെ
ജല്പനങ്ങളങ്ങിനെ,ഇവിടെയിതാ ഒരാള് !!
കരളിനകത്തൊരു കരയാത്ത മനസ്സുണ്ട്
ഹൃദയ വാതില് തുറന്നു കിടപ്പുമുണ്ട്
അണയാത്ത സ്നേഹ വായ്പ്പുണ്ട് നെഞ്ചില്
എന്നിട്ടുമെന്തേ ഞാനെന്നുമിങ്ങനെ ?
മധുര വാണികളില് ഞാന് മയങ്ങി വീഴുമ്പോള്
അധരം ചലിക്കുന്നതോ അസ്പഷ്ടമായെങ്കിലോ
ത്യജിക്കണം ചപല ഹൃദയ ഭാരങ്ങള് ,എന്നിട്ട -
വിടെ അഗ്നി ശുദ്ധി വരുത്തുക .കരളുറക്കുക !!
എന്റെ ഹൃദയ ധാമങ്ങള് പ്രകമ്പിതമാകവേ
എന്നിലെക്കോടിഎത്തുന്ന മൃദു വികാരങ്ങള്
നിഗൂഡ സ്വപ്നങ്ങില് മയക്കി വീഴ്ത്തുമ്പോളെ
നിക്കൊരു കൈതാങ്ങിനിവിടെയാരുണ്ട് ?
കേവലമൊരു മനുജനാമെന്നില് കുടിയിരുത്തിയ
കൊപാഗ്നിയെ ശമനമുണ്ടാക്കണം,അല്ലെങ്കില്!
കാണാക്കയങ്ങളില് മുങ്ങി നിവരേണ്ടി വരാം!
വിനാശ കാലേ വിപരീത ബുദ്ധിയെന്നു സാരം !!
കൃഷ്ണ കുമാര്.കൂടാളി
ഗോകുലം,കീഴല്ലൂര്.
No comments:
Post a Comment