കീഴല്ലൂരപ്പൻ ( കവിത )

കീഴാളനായും, കിരാതനായും

ഊഴിയിൽ വാഴുന്നോനല്ലെ, എൻ്റെ

കീഴല്ലൂരപ്പൻ നീയല്ലേ?.. ശങ്കരാ..

കൈ തൊഴാം, കൂവള മാല തരാം ..

.

തിരു തെച്ചിപ്പൂക്കളും, ചെറുതുളസി  

ദളങ്ങളും,, മാലേയ മാല്യമണിഞ്ഞ്

അതികാലെ, കുളിരല പൂണ്ട്, 

ഗംഗാധരനിന്ദുചൂഢൻ തമ്പുരാനെ കണ്ട്,

ശ്രീലകത്തുതിരും ഢമരുവിൻ തുടി-

താളം കേൾക്കുവോൾ,

 മൗലിയെ കണ്ടു ഞാൻ..

ചന്ദ്ര മൌലിയെ കണ്ടു ഞാൻ..

പണിയേറെയുണ്ടെന്നാകിൽ 

പടിവാതിൽ കടന്നീടാൻ, 

പതിവായെത്തും കാറ്റും

ചാരത്തണിയിക്കുമ്പോൾ, തിരുമേനിയെ

കണ്ടു തൊഴാനായ് ഈറൻ മിഴിയാൽ..

പലകുറി ജന്മം മാറി വരാനോ ,

ശിവ ശിവ നിന്നെ, കൈവല്യമോടെ 

തൊഴുന്നേൻ ഞാൻ!

@ കൃഷ്ണ കുമാർ കൂടാളി