ഭൂത പൂർവ്വം..(കവിത)

ഭൂതകാലത്തിന്റെ നേർസാക്ഷ്യപത്രം,

ബോധപൂർവ്വമായോടിയെത്തിയെന്റെ

കാരുണ കാട്ടാത്ത, മാനസ ചെപ്പിൽ.!!

കാണുവതെല്ലായിന്നലെയെന്നപോൽ!!

കാലപ്രവാഹത്തിന്നൂർജ്ജ വേഗമാർജ -

വമോടെന്നെ, നേർക്കുനേർ നിന്ന് പോര -

ടിച്ചീടവെ, യെന്റെ തെളിയാത്ത ബുദ്ധി

യൊന്നൂറി ചിരിക്കുന്നതെന്തിനോ?

ഗതകാലത്തിൻ, വെള്ളിത്തിരശീലയിൽ

തെളിയുമാനിറമില്ലാ ചിത്രങ്ങൾ മാറിയിന്ന-

തിവേഗമോടെത്തും, ത്രിമാനചിത്രങ്ങളും,

പിന്നെയുമെത്ര മാനങ്ങൾ കടന്നീടുന്നു?

എന്തിനിത്രയതി മോഹങ്ങൾ, മാനവർക്ക-

നുവാദമില്ലാ ഗർവ്വുകൾ, ഗീർവ്വാണങ്ങളാ-

ചരണങ്ങളീ ഭുവന്നത്തിങ്കലാചരിക്കുന്നു?

അരുതരുതിനി, കണ്ണീർ തൂവരുതാരുമേ!

മാഞ്ഞു പോയ സന്ധ്യയും കനകാംബരങ്ങ -

ളു മെത്ര സുന്ദരമായിരുന്നെങ്കിലുമാശിപ്പ -

തെന്തിനോ? എത്തി നോക്കാനാവാതുയര-

ത്തിലുത്തരീയം കെട്ടി വയ്ക്കരുതാരുമേ !!

കാലമെത്ര കടന്നു പോയീടിലുമോർമ്മയിൽ

തെളിയുമെത്ര നഖചിത്രങ്ങളവയൊക്കെവെ,

ചില്ലു ഭരണിയിൽ സൂക്ഷിച്ചു വക്കണം, മുദ്ര -

വച്ച് ഹൃദയ നിധിയറയിൽ സുഭദ്രമാക്കിടണം!!

കൃഷ്ണ കുമാര്‍.കൂടാളി

ദോഹ,ഖത്തര്‍..